Tifogrupi mitrovicas "Torcida" është nisur në mëngjesin e sotëm drejt Samokovit të Bullgarisë, aty ku skuadra e Trepçës do të zhvillojë ndeshjen kuali
Tifogrupi mitrovicas “Torcida” është nisur në mëngjesin e sotëm drejt Samokovit të Bullgarisë, aty ku skuadra e Trepçës do të zhvillojë ndeshjen kualifikuese për Ligën e Kampionëve në basketboll ndaj ekipit holandez, Den Bosch.
Atmosfera e krijuar nga tifozët e zjarrtë të Mitrovicës pritet të jetë mbështetje e madhe për skuadrën, në një sfidë shumë të rëndësishme për vazhdimin e aventurës evropiane.
Përmes një njoftimi zyrtar, “Torcida” ka bërë të ditur se të gjithë anëtarët që do t’i bashkohen grupit në Bullgari janë të informuar tashmë me lokacionin e takimit.
Pikëtakimi do të shërbejë për organizimin dhe nisjen e përbashkët drejt palestrës ku zhvillohet ndeshja, duke garantuar prezencë të organizuar dhe mbështetje të fuqishme për Trepçën në tribuna.
Kjo ndeshje ka një rëndësi të madhe për klubin nga Mitrovica, i cili synon të kualifikohet në raundet e mëtejshme të Ligës së Kampionëve.
Përballë do të jetë skuadra e njohur holandeze Den Bosch, e cila ka përvojë të madhe në arenën ndërkombëtare.
Pritet një përballje e fortë, ku edhe detajet më të vogla mund të bëjnë diferencën.
Takimi zhvillohet sonte duke filluar nga ora 20:00 sipas kohës lokale në Kosovë.
Izet Tahiri: Trepça përfaqëson Kosovën me krenari, gjasat janë 50-50 ndaj Den Bosch