Fitorja bindëse e Anglisë ndaj Serbisë me rezultatin 5:0 në Beograd u la në hije nga skenat e frikshme në tribunat e stadiumit “Rajko Mitiç”, ku ndodh
Fitorja bindëse e Anglisë ndaj Serbisë me rezultatin 5:0 në Beograd u la në hije nga skenat e frikshme në tribunat e stadiumit “Rajko Mitiç”, ku ndodhi një përleshje masive mes tifozëve vendas, duke detyruar ndërhyrjen e policisë speciale. Lajmi është publikuar nga Daily Mail, përcjellë Kërlaçki.
Skuadra e Thomas Tuchel zhvilloi një ndeshje dominuese, duke siguruar praktikisht kualifikimin për Kampionatin Botëror të vitit të ardhshëm. Serinë e golave e hapi Harry Kane, ndërsa Noni Madueke realizoi golin e tij të parë me fanellën e përfaqësueses. Në pjesën e dytë, Ezri Konsa dhe Marc Guehi shënuan gjithashtu debutimet e tyre në listën e golashënuesve, ndërsa rezultatin përfundimtar e vulosi Marcus Rashford me një gol nga pika e bardhë.
Serbi – Angli 0-5
Panik në tribuna
Ndërkohë që Anglia dominonte në fushë, në tribuna shpërtheu kaosi. Në pamje tronditëse të publikuara në media, shihen fëmijë të frikësuar duke kërkuar strehim, ndërsa prindërit përpiqen t’i largojnë nga dhuna. Tifozët vendas u përleshën mes tyre në mënyrë brutale, dhe situata eskaloi aq shumë sa kërkoi ndërhyrjen e forcave speciale për të ndarë grupet e përfshira.
Sipas raportimeve, incidenti ndodhi gjatë pjesës së dytë dhe u parapri nga brohoritje kundër presidentit serb, Aleksandar Vuçiç.
Serbi – Angli 0-5
Ndeshja u ndërpre për shkak të lazerit
Përveç trazirave, ndeshja u ndërpre edhe për shkak të një incidenti tjetër: tifozët serbë përdorën lazer për të penguar lojtarin anglez Ezri Konsa, duke i drejtuar dritën në sy. Gjyqtari ndaloi përkohësisht lojën, gjë që shkaktoi fishkëllima nga publiku. Spikeri i stadiumit iu drejtua tifozëve me thirrje për të ndalur sjelljen e rrezikshme.
Ndeshje me kapacitet të reduktuar
Takimi u zhvillua përpara një numri të kufizuar spektatorësh për shkak të një dënimi të mëparshëm ndaj Federatës Serbe, pas episodeve të racizmit ndaj lojtarëve të Andorrës. Artikulli përfundon duke theksuar se atmosfera në stadium ishte e tensionuar gjatë gjithë mbrëmjes.
#Repost @moj_beo_grad_
“Incidenti na utakmici Srbija – Engleska nakon skandiranja protiv vlasti. Maskirani muškarci napali obične navijače. Narod masovno napušta stadion” pic.twitter.com/gYvu1gmXcI
— Željko Kisa (@ZeljkoKisa) September 9, 2025