Derisa VAR-i po konfirmonte penalltinë për Borussia Dortmundin ndaj Juventusit, në fushë u krijua një tension i dukshëm mes lojtarëve gjermanë. Serh
Derisa VAR-i po konfirmonte penalltinë për Borussia Dortmundin ndaj Juventusit, në fushë u krijua një tension i dukshëm mes lojtarëve gjermanë.
Serhou Guirassy tentoi të marrë topin për ta gjuajtur penalltinë, ndërsa Karim Adeyemi, Julian Brandt dhe Ramy Bensebaini u përfshinë në një debat të ashpër me të.
“E kuptoj që Serhou deshi të shënojë, pasi pati shansin”, deklaroi pas ndeshjes trajneri i Dortmundit, Niko Kovaç. Megjithatë, nuk ishte parashikuar që Guirassy të gjuante penalltinë.
“Vendimi ishte i qartë që Bensebaini, jo Guirassy, të merrte penalltinë e parë”, shtoi trajneri kroat.
Në fund, Guirassy u tërhoq dhe Bensebaini realizoi penalltinë.
Guirassy nuk është zgjedhja e parë për gjuajtje penalltie, pasi kishte humbur një penallti më parë në barazimin 3:3 me St. Paulin në Bundesligë.