Drita zyrtarizon afrimin e mesfushorit të ri Mamadou Ben Zidane

FC Drita ka konfirmuar përforcimin më të fundit në afatin kalimtar, duke zyrtarizuar transferimin e mesfushorit 19-vjeçar Mamadou Ben Zidane. Futbollisti i ri i bashkohet skuadrës nga klubi francez SC Bastia.

Zidane konsiderohet si një lojtar me potencial dhe pritet të sjellë freski në mesin e fushës për skuadrën gjilanase. Me profilin e tij të ri dhe energjinë që e karakterizon, ai shihet si një investim për të ardhmen, si në garat vendore, ashtu edhe në ato ndërkombëtare, thuhet në njoftimin zyrtar të skuadrës.

Klubi bardhekaltër i ka uruar mirëseardhje mesfushorit të ri dhe i ka dëshiruar suksese në aventurën e tij të re në futbollin kosovar.

Ndonëse pritej prezantim i ndonjë emri, kjo gjë nuk ndodhi kësaj radhe!