Pas fitores së FC Barcelonës ndaj Newcastle-it, trajneri gjerman Hansi Flick shprehu kënaqësinë e tij për paraqitjen e skuadrës. “Ishte shumë e rëndës
Pas fitores së FC Barcelonës ndaj Newcastle-it, trajneri gjerman Hansi Flick shprehu kënaqësinë e tij për paraqitjen e skuadrës. “Ishte shumë e rëndësishme ta nisnim me tre pikë këtu në Newcastle. Mendoj se pamë një paraqitje shumë të mirë nga skuadra sot”, deklaroi Flick pas ndeshjes.
Ai sqaroi se mesazhi për lojtarët para ndeshjes ishte i qartë: “Pesëmbëdhjetë minutat e para ishin vendimtare – të ruanim portën e paprekur sepse ata ushtrojnë presion të lartë, një për një – dhe kështu ndodhi.” Trajneri vlerësoi lojën gjatë gjithë takimit: “Për mua, e gjithë ndeshja ishte shumë e mirë, edhe pas atyre 15 minutave të para. Në pjesën e parë kishim 64% të zotërimit të topit, dhe kjo ishte shumë pozitive.”
Megjithatë, Flick nuk i kurseu vërejtjet: “Ndoshta bëmë shumë gabime, por jam shumë i kënaqur.”
Lavdërime për Rashfordin dhe mesfushën
Në aspektin individual, Flick foli për protagonistin e mbrëmjes, Marcus Rashford: “Një gol është një gol. Duhet t’i shikoj përsëri, por ajo që ka rëndësi është që ishin dy gola. Goditja me kokë ishte shumë e mirë dhe edhe goli i dytë ishte i shkëlqyer. Më e rëndësishmja është se ai po fiton vetëbesim. Po e ndihmojmë dhe nuk jam i befasuar.”
Trajneri vlerësoi gjithashtu mesfushorët Pedri dhe Frenkie de Jong: “Me Pedrin dhe gjithashtu me Frenkie-n, është shumë e vështirë të na vësh nën presion. Mendoj se të dy bënë një ndeshje shumë të mirë sot. Jam shumë i lumtur që po luajnë me këtë vetëbesim. Jemi një skuadër shumë e re, dhe po e shoh që po luajnë me besim, gjë që për mua është shumë e rëndësishme.”