Pas zhvillimit të të gjitha ndeshjeve të javës së katërt, tabela e AlbiMall Superligës së Kosovës është kompletuar dhe po jep sinjalet e para për form
Pas zhvillimit të të gjitha ndeshjeve të javës së katërt, tabela e AlbiMall Superligës së Kosovës është kompletuar dhe po jep sinjalet e para për formën dhe ambiciet e skuadrave.
Klasifikimi pas javës së 4-të
Dukagjini kryeson renditjen me 9 pikë, duke regjistruar 3 fitore në 4 ndeshje dhe me një golaverazh pozitiv 7:3. Ballkani ndodhet menjëherë pas, me 8 pikë, duke ruajtur ecurinë e pamposhtur, por me dy barazime që kanë lënë një hapësirë të ngushtë në garë për kreun.
Prishtina dhe Drenica ndajnë pozitën e tretë dhe të katërt me nga 7 pikë secila, ndërsa befasia pozitive vjen nga Prishtina e Re, që me dy fitore dhe dy humbje grumbullon 6 pikë, aq sa edhe Ferizaj, duke treguar konkurrencë të ngushtë në mesin e tabelës.
Në zonën e rrezikut ndodhen Drita dhe Llapi, që pas katër javësh ende nuk kanë shijuar fitoren. Të dyja skuadrat kanë vetëm nga 2 pikë dhe mbajnë dy vendet e fundit, gjë që vë në pikëpyetje formën e tyre dhe kërkon reagim të shpejtë në xhirot e ardhshme.