Kombëtarja e Lituanisë është futur në fazën me eliminim direkt të EuroBasket 2025 me shqetësime të mëdha. Pas mungesës së Rokas Jokubaitis, tashmë edh
Kombëtarja e Lituanisë është futur në fazën me eliminim direkt të EuroBasket 2025 me shqetësime të mëdha. Pas mungesës së Rokas Jokubaitis, tashmë edhe Margiris Normantas pësoi lëndim në kyçin e këmbës në fitoren e ngushtë 74–71 ndaj Suedisë. Në anën tjetër, Letonia e mbylli fazën e grupeve me një fitore spektakolare 109–75 ndaj Çekisë.
Margiris Normantas u detyrua të largohej që në minutat e para, dhe statusi i tij për fazën e 1/8-ave mbetet i paqartë. Për lituanët u dallua Jonas Valančiūnas, me 18 pikë e 9 kërcime, duke e udhëhequr skuadrën drejt triumfit.
Lituania – Suedia
Në anën tjetër, Letonia e mbylli fazën e grupeve me një fitore spektakolare 109–75 ndaj Çekisë, duke siguruar vendin e tretë në Grupin A. Më i dalluari i ndeshjes ishte Davis Bertans, me 20 pikë, 6 kërcime dhe 2 asistime, ndërsa ekipi shfaqi lojën më të mirë deri tani në turne.
Pas sfidës, ylli i Letonisë dhe i Atlanta Hawks, Kristaps Porzingis, theksoi se skuadra e tij po përmirësohet nga ndeshja në ndeshje, ndërsa përballja e mundshme në raundin tjetër ndaj Lituanisë premton emocione të forta. “Serbia dhe Gjermania janë favoritët kryesorë për finalen, por në një ndeshje gjithçka mund të ndodhë,” tha Porzingis, duke shtuar se Letonia do të luftojë pa presion, e mbështetur nga tifozët vendas.
Letonia