Gjashtë vite më parë, Arton Zekaj, kapiteni i ekipit të të rinjve të Serbisë, vendosi të ndryshojë fanellën dhe të luajë për vendin e tij të origjinës
Gjashtë vite më parë, Arton Zekaj, kapiteni i ekipit të të rinjve të Serbisë, vendosi të ndryshojë fanellën dhe të luajë për vendin e tij të origjinës, Kosovën.
Ky vendim u prit me shumë polemika dhe tensione mes federatave, duke shkuar deri në ndërhyrje në nivelin e FIFA-s.
Në fillim të këtij viti, Zekaj u largua nga klubi i Hisperanges në Luksemburg dhe që atëherë nuk ka qenë pjesë e ndonjë skuadre tjetër.
Portali serb Kurir.rs riktheu këtë rast në vëmendje, në prag të ndeshjes Serbi-Shqipëri më 11 tetor.
Në një intervistë të vitit 2018 dhënë për Kurir, Zekaj shpjegoi se arsyeja kryesore e ndërrimit të kombëtares ishte mungesa e përkrahjes nga Federata Serbe e Futbollit. Ai theksoi se dëshiron të luajë për ekipin që e do më shumë dhe ku ndihet i pranuar:
“Do të luaj për ata që më duan më shumë,” tha Zekaj, duke reflektuar një histori që përfshin politika, identitet dhe sfida personale.
Në artikullin e publikuar nga portali serb, Kosova vazhdon të përmendet si “ashtuquajtura”, duke treguar një nivel të ulët respekti dhe serioziteti, pavarësisht se Kosova është e njohur nga FIFA dhe UEFA dhe merr pjesë rregullisht në kompeticionet europiane dhe ndërkombëtare.