Klubi i Basketbollit Bashkimi ka shkruar histori mbrëmjen e së martës, duke mposhtur Anwil Włocławek me rezultat 80:75 në palestrën e stërmbushur “Sez
Klubi i Basketbollit Bashkimi ka shkruar histori mbrëmjen e së martës, duke mposhtur Anwil Włocławek me rezultat 80:75 në palestrën e stërmbushur “Sezai Surroi”.
Triumfi i prizrenasve erdhi në kuadër të kualifikimeve për FIBA Europe Cup, duke i dhënë gjallëri ëndrrës evropiane të klubit portokallezi, përcjellë “Kërlaçki”.
Pas sfidës, trajneri i Anwil-it, Grzegorz Kożan, tha:
“Kemi bërë disa gabime që në fund na kushtuan. Bashkimi ishte më i mirë sonte. Duhet të punojmë për të eliminuar gabimet tona gjatë kësaj jave dhe të fitojmë ndeshjen e kthimit”, u shpreh Kozan për Art Sport.
Ai theksoi rëndësinë e përkrahjes së publikut në Poloni:
“Bashkimi do ta shohë që në Poloni atmosfera do të jetë edhe më e nxehtë. Tifozët tanë do të na ndihmojnë shumë për të kërkuar fitoren”.
Përballja e dytë mes dy skuadrave do të luhet më 1 tetor në Włocławek.
Trajneri i Bashkimit, Jovoviç: Fitore e pabesueshme, por Anwil mbetet favorit për ndeshjen e kthimit