Superliga shqiptare dhuroi emocione të mëdha këtë fundjavë, me dy përballje të veçanta që përfshinë Shkodrën dhe Vlorën. Vllaznia rikuperoi terrenin e
Superliga shqiptare dhuroi emocione të mëdha këtë fundjavë, me dy përballje të veçanta që përfshinë Shkodrën dhe Vlorën. Vllaznia rikuperoi terrenin e humbur duke mposhtur Vorën në një duel plot raste, ndërsa Egnatia konfirmoi statusin e kampionëve me një fitore të vuajtur në fushën e rikonstruktuar të Flamurtarit, në një mbrëmje ku festa në shkallë nuk u shoqërua me pikë për vendasit.
Në stadiumin “Loro Boriçi”, kuqeblutë dominuan ndaj Vorës dhe fituan me rezultatin 2-0, falë golave të Balajt nga penalltia në pjesën e parë dhe një goditjeje të saktë me kokë nga Murataj në të dytën. Edhe pse rezultati ishte i pastër, loja ishte një “festival” rastesh të humbura nga të dyja skuadrat, me një Vllazni që tregoi më shumë qartësi në momentet vendimtare.
Ndërkohë në Vlorë, në një atmosferë festive me flakadanë dhe një stadium të rikonstruktuar plot, Flamurtari nuk ia doli të përfitonte nga përkrahja e tifozëve. Edhe pse barazoi përkohësisht me një gol të Todorovskit në minutën e 83-të, një gafë në mbrojtje i dha mundësinë Leo Melos të rikthente avantazhin për Egnatian, vetëm pesë minuta më vonë. Goli i parë i ndeshjes ishte shënuar në fundin e pjesës së parë nga Albanese, nga pika e bardhë e penalltisë. Vlonjatët patën disa raste për të barazuar më herët, por saktësia dhe vendimet e VAR-it nuk ishin në anën e tyre.
Vllaznia 2-0 Vora Balaj 28’ (pen), Murataj 56’
Flamurtari 1-2 Egnatia Todoroski 83’ – Albanese 45+1’ (p), Leo Melo 88’